خدعونا فقالوا : محدش بيموت من الجوع
قالولنا في الأمثال محدش بينام من غير عشا وكمان قالولنا محدش بيموت من الجوع للأسف طلعوا بيضحكو علينا والفيديو ده يثبتلكم كلامي
وعايز من الفيديو ده القي الضوء على كذا حاجة بنشوفها في مجتمعنا
ابدء وسوري في الكلمة المنظرة الكدابة بحيث تلاقي أغلب بنات وشباب الجيل ده بيتمنظروا وبس تلاقي الواحد أو الواحدة فيهم داخلة أى مطعم وسوري تلاقيها مجمدة تمن الخروجة دى قبلها بيومين مثلا عشان تدخل بس المطعم ده وتدخل وتطلب الاكل وتسيب نصه عشان الاتيكيت وأصحابها ميقولوش عليها جعانة ولو بصينا لدينا هتلاقي رسولك بيقولك اما تاكل او تشرب تخلص طبقك أو كوبايتك
بس ازاى نسمع كلام رسولنا لا طبعا منظرنا أهم
تاني حاجة واخر حاجة أقولها طفاسة المصريين للأكل أنا هحكي موقف صغير حصل أمامي أما كنت مرافق للوفد الفرنسي أثناء زيارته لمصر كان محافظ أسوان عازمنا في مطعم الدوكة على العشا فدخلنا وطلبنا الاكل ونزل المهم كان في بنات فرنسيات مش قادرين ياكلو وقالو للجرسون متنزلش لينا الأكل موقف عادى جدا بس طبعا بقى المصريين ظهروا هنا بأقوالهم الغريبة فواحد يقول يابنتى كلي هتروحي مفيش أكل في البيت والتاني يا ستي هاتيه حطيه ادامك يمكن نفسك تتفتح من منظر الاكل هو كل يوم هتاكلى هنا والتالت بقى طب هاتيه وحطيه معاك في الشنطة أما تجوعي والرابع طب هاتيه وأكله أنا .... وكان رد البنت بكل بساطة حرام اجيبو لانى لو حطيت في معلقة الباقي هيترمي خليه حد يستفاد بيه أحسن
بجد نفسي المصريين يبقو كده لأنى فعلا أتعلمت من الوفد الفرنسي ده كتير ... يا ريت يا شباب منتفرجش ع الفيديو ده وننزل دمعتين أو نتأثر شوية وبعدين خلاص بجد عايزكو يبقى في فعل بعد الفيديو ده وتغيير في سلوكياتنا الخاطئة
ايه يا عم الحاجات الجامده دي واحنا مش هانخلص من الفوج الفرنسي اللي انت داوش بيه دماغنا على طول ده .
ردحذفوعلى العموم الموضوع جامد وياريت فعلا تكون استفدت منه صحيح مش كلام وخلاص ....
يا ترى عرفت ان مين ؟؟؟؟؟؟؟؟؟؟
تسلم يا باشا على ردك
ردحذفوطبعا عرفت انت مين واحد من دفعتي
من الحاقدين عليا وعلى الفوج الفرنسي
هههههههههههههههه
صح كده
الفيديو ده جامد المفروض كل واحد فينا يشكر ربنا ع اللي هو فيه حتي ولو كان قليل وكمان الفيديو ده يقول للناس المبزره ومش مقدره اللي ف ايديها ومش حمدا ربنا انها تشوف ان في 25 الف انسان بيموتو من الجوع وهما ولا ع بالهم اااااااااااااالحمدلله
ردحذف